Сүүлийн үед Энхбаярын штабынхан их хөөрөлхөж байна. Бүх томоохон олон нийтийн интернет сайтуудын санал асуулгад нэр дэвшигч нь илт давуу ялсан гээд л. Ийм санал асуулгад найдах хэрэггүй л болов уу. Би өөрийн ажигласан нэг сайтаас л жишээ татаж болж байна.
Аль 4-р сард Оллоо санал асуулгаа явуулж эхлэхэд л би өдөрт 3-4 удаа тийшээ орж ажиглалт хийж байв. Ингэхэд юу ажиглагдсан бэ гэвэл Элбэгдоржид өгч буй санал үнэхээр олон нийтээс өгч байгаа бололтой аажмаар өссөөр Энхбаярынхыг нэлээд хол гүйцээд ирэхийн үед Энхбаярт өгч буй санал 1-2 цагийн дотор огцом өсдөг байлаа. Энэ нь Энхбаярын штаб интернет кафенуудыг эсвэл интернет мэргэжилтнүүдийг хэр сайн ашигласныг л харуулах үзүүлэлт болж байна.
Үүнийг батлах нэг зүйл гэвэл SMS-ээр Элбэгдоржид өгсөн саналын тоо эхэн үедээ Энхбаярынхаас хавьгүй давуу байсан явдал юм. Энэ тухай нь би энд тэнд сэтгэгдэлээр бичиж сануулж байсны дараахан Энхбаярын штабынхан анзаарсан бололтой SMS-ээр огцом их санал өгч бараг тэнцүүлсэн.
Хамгийн сүүлд уржигдар дүн гарлаа гэж зарладаг өдрөөс 2 хоногийн өмнө Энхбаярт 2000 орчим санал маш богино хугацааны дотор нэмэгдэж Элбэгдоржийнхоос даруй 1700-1800-аар давсан юм. Түүнээс хойш Элбэгдоржид өгч буй санал аажмаар нэмэгдсээр уржигдар өглөө намайг хамгийн сүүлийн ажиглалт хийхэд Энхбаярынхаас 700-800-аар доогуур байлаа.
Гэтэл үдийн үед дүнг зарлахад Энхбаяр даруй 4300 гаруй саналаар давсан байсан нь тун гайхалтай. Энэ бүх ажиглалтын талаар уншаад та нар өөрсдөө дүгнэлт хийнэ биз дээ.
Оллоогийн дүн:
Н.Энхбаяр (МАХН) 55.14% 22979
Ц.Элбэгдорж (АН) 44.85% 18689
Subscribe to:
Post Comments (Atom)
No comments:
Post a Comment